larki pasand nahi aayi
akhbarat mein zaroorat rishta ke ishtiharaat parh kar andaza hota hai ke Pakistan ke liye yeh kitna bara masla ban chuka hai.
larke hain to un ki umrein dhalti jarahi hain aur larkiyan hain to baithy baithy balon mein chandi aagai hai. is ki kayi wajohaat hain.
aik wajah to muashi masla hai, doosri wajah masharti na hamwari ya' ' behtar se behtareen' ' ki talaash hai.
larke aur larkiyan udhair pan mein chalay jatay hain lekin un ki' ' behtareen' ' ki talaash khatam nahi hoti.
woh isi talaash mein abdi manzil pa jatay hain .
mera aik dost jis ki Umar taqreeban chalees saal hai, is ki abhi tak shadi nahi hui.
mein ne is se poocha ke aap ne abhi tak shadi kyun nahi ki? janab farmatay hain ke abhi tak mujhe mere level ki larki hi nahi mili. mein ne kaha Umar to guzar gayi.
janab farmatay hain' ' abhi to mein jawan hon, meri Umar hi kya hai, 30 saal.' ' is ke balon ki safedi ko fashion samajh kar nazar andaaz karte hue poocha ke aap ka kya level hai? farmanay lagey ke parhi likhi ho, gori chti ho, pak baz, bahayaa ho, mere hukum ki paband rehne wali ho.
mein ne jab kaha ke aap to aisay hain? aap ka to falan falan ke sath' ' chakkar' ' chal raha hai. to kehnay lagey ke mein mard hon, meri marzi .
idhar yahi mizaaj sanaf naazuk ka bhi hai .
dosra masla zaat baradri ka hai. koi mayaari rishta mil bhi jaye to zaat baradri aade ajati hai.'
' kya kaha baradri se bahar ka rishta araha hai. sawal hi nahi peda hota. aindah aisi baat sochna bhi nahi, zindah dafan kar dein ge. theek hai islam mein takeed hogi ke larki ki marzi maloom karo.
lekin usay deen duniya ki alif bay ka kya pata. yeh kaisay –apne faislay khud kar sakti hai? islam ne to aur bhi bohat kuch takeed ki hai to kya is par amal hota hai? bas hum ne jahan shadi tay kar di wahein par hogi, agar baat nah maani to maar ke isi sehan mein garh dalain ge.
beti aakhir hum tera bura kyun chahanay lagey bhala.' ' yeh' ' hitler' ' jaisay mammy daddy ke khayalat hain .
sirf beti hi nahi beton ke baray mein bhi yahi nazriya hai. zaroorat rishta ko nazriya rishta banadiya jata hai. prkhon ki zabaan ko bachanay ke liye, chache, تایوں ki qabron ko dekhte hue aulaad ko qurbani par charha diya jata hai. beta engineer hota hai to is ki shadi aَn parh larki se kar di jati hai. beti dr to usay kisi' ' babey dulhy' ' ki dulhan banadiya jata hai.
jaisay aulaad nah ho bheer bakri ho, jahan chaha, jaisay chaha khaunte ke sath bandh diya. maan jaye to devi nah manay to chhanal .
agar baat ban bhi jaye to log larkiyon ka rishta dekhnay jatay hain, wahan kya dekhte hain? larki chalti kaisay hai? uthti, baithi kaisay hai? is ka rang kaisa hai? naak aur ankhen kaisi hain? terha to nahi dekhatii, baat karte hue ہکلاتی to nahi. ghar mein kya kya hai? jahez mein kitna miley ga? chahay maa baap ka ghar baa-mushkil chalta ho lakhoon jahez maang liya jata hai.
jab kha pi kar tasalii hojati hai to jatay hue kaha jata hai' ' hamein aap ki larki pasand nahi aayi' '. sochiye is larki par kya guzarti hogi .
jab kisi larki ya larke ke rishton ke hawalay se baar baar inkaar kya jata hai to woh un ke liye rog ban jata hai.
zehni bimarion, khodkshyon mein izafay ki wajah yeh ravayye hain jo muashray mein taizi se panp rahay hain. un ke agay deewar nah khari ki gayi to yajooj majooj ki qoum ki terhan insanon ko chaat jayen ge.' ' larki pasand nahi aayi' ' ki zehniat se nikal kar munasib ravayye apnane hon ge, wagerna yahi samaaj riyasat, panchayat, police, kachehri mein badalta rahay ga.
aurtain' ' kaali' ' aur' ' wani' ' ke naam par taaqat ki bhaint chadhti rahen gi .
azhar تھراج
blagr inter national relationz mein am full hain. barray qaumi akhbarat Bashmole roznama khabrain, Pakistan , nwaye waqt se wabasta rahay. aaj kal duniya news net work se munsalik hain.
jamhoriat ke zabardast haami, aamriyat ke mukhalif hain. un se
azharthiraj ke zariye Facebook aur twitter par rabita kya ja sakta hai .
0 Comments